我記得係香港荃灣妙法齋,請到一本由善信翻印善書,唔記得是什麼遊記,好睇、又有印書獎賞,有個想法希望結緣,但呢本遊記係翻印,無地址,好在序首有全真堂名號,就叫個仔上網尋找,搵到之後聯絡上就寄來全真月刊,一睇內容有超拔。好,就儲錢,儲到拾萬新台幣,就第一次去全真堂,在師兄清火招呼下,得以順利超拔父母、細佬、嬰靈、親人、朋友。又在佛堂再請幾本經書來看,其中一本冥遊記內有建廟信息,不論藏傳佛教起廟、廣東內地起廟,我都有過捐獻,但都冇呢次咁強烈。好,就寫信給堂主立願,分拾期供款,每期伍拾萬新台幣,堂主回覆,說:「好」,堂主就是這樣實事實幹,講多無謂。我由第一至第六期供得好辛苦,想放棄,但係供完第六期就好好,生意興隆,工作順利,由第七期起就供得好順利,終於係二零一三年十二月中飛去臺灣升表,總共伍佰壹拾萬新台幣,壹佰拾伍萬壹仟壹佰元港幣。我好多謝呢位翻印善書善信,成全我,佢公德好大,間接成全今晚這個聚會。同一個道理,你今晚所做功德【建廟】,給十方善信一個參拜的地方。其中有一位、兩位或者更多位,成就佢立願,你哋嘅功德係無量功德呀。所以我當下即向 法主聖君和堂主發心辦齋宴。《觀世音菩薩普門品》裡面有一句講「是二人福」,印善書位善信有福、我有福。你建廟有福、十方善信有福,何樂而不為呢?我獨樂樂、不如眾樂樂。我一個人力量有限,結合大家今晚能量就大得多。你唔好介意無為而為係最好「無相布施」,有為而為係無咁好「相布施」,我講俾你聽,有為而不為,係最唔好「唔想布施」。我冇就要求有,我冇身體健康、我求,我唔夠生意做、我求,我冇工作、我萬事都不如意,我求。到我求到有喇,我就要捨(布施)。在這次齋宴所得收益,遠遠追不及所需,希望能喚起有心人,廣結十方緣、廣渡有緣人,與天心契合。到我陽壽盡,萬般帶不去,唯有業(善業或惡業)隨身。行動吧!行大功立大願,不枉此生留空白。感恩、感恩。阿彌陀佛!

創作者介紹

無極直轄全真堂

全真堂 發表在 痞客邦 PIXNET 留言(0) 人氣()